Pétanque
Pétanque – Cluiche na hÁbaltachta agus na Scíthe Is cluiche simplí taitneamhach lasmuigh é Pétanque (ar a dtugtar boules freisin) ar féidir le daoine de gach aois agus cumas é a imirt. Sa Fhrainc a thosaigh sé an chéad lá riamh, agus is bealach iontach é Pétanque chun fanacht gníomhach, am a chaitheamh amuigh faoin aer, agus bualadh le daoine nua in atmaisféar cairdiúil agus sóisialta.
I gContae Átha Cliath Theas, táimid bródúil as dhá chúirt iontacha Pétanque a bheith againn:
- Páirc Thigh Motháin Thuaidh
- Páirc Ghleann an Ghrífín, áit a bhfuil Cumann Pétanque Pháirc Ghleann an Ghrífín bunaithe
Is cuma más é seo an chéad uair duit Pétanque a imirt nó go dtaitníonn an cluiche go mór leat cheana féin, is áit iontach iad na cúirteanna seo chun taitneamh a bhaint as an ngníomhaíocht shuaimhneach agus spraíúil seo.
Céard é Pétanque?
Is cluiche éasca le foghlaim é Pétanque a imrítear trí liathróidí miotail (ar a dtugtar boules) a chaitheamh i dtreo liathróid sprice adhmaid bheag (ar a dtugtar cochonnet). Is é an sprioc ná do boule a chur níos gaire don cochonnet ná mar a chuirfidh do chéile comhraic. Is meascán de scil, straitéis agus spraoi sóisialta é, rud a fhágann gur gníomhaíocht iontach é do theaghlaigh, do chairde agus do dhaoine aonair.
Cén fáth ar cheart Pétanque a imirt?
Ní cluiche amháin é Pétanque – is bealach iontach é chun fanacht gníomhach agus sóisialta. Seo roinnt cúiseanna le triail a bhaint as:
- Ionchuimsitheach agus éasca le foghlaim – Is féidir le duine ar bith imirt, beag beann ar leibhéal aclaíochta nó taithí.
- Spraíúil agus sóisialta – Buail le daoine nua agus bain sult as iomaíocht chairdiúil.
- Aclaíocht nach gcuireann mórán brú ar an gcorp – Sármhaith chun comhordú a fheabhsú agus chun fanacht gníomhach.
- Taitneamh a bhaint as a bheith amuigh faoin aer – Caith am i bpáirceanna áille Chontae Átha Cliath Theas.
Bí páirteach i gCumann Pétanque Pháirc Ghleann an Ghrífín
Más spéis leat Pétanque a imirt go rialta, bí páirteach i gCumann Pétanque Pháirc Ghleann an Ghrífín. Tagann an club le chéile le haghaidh cluichí agus ceachtanna ag Páirc Ghleann an Ghrífín ar:
- Dé Domhnaigh ar 12:00 i.n.
- Dé Céadaoin ar 6.30 i.n.
Tá fáilte roimh chách – bíodh tú i do thosaitheoir iomlán nó i d’imreoir ag a bhfuil taithí. Soláthraíonn an club boules agus oiliúint, mar sin ní gá duit aon trealamh a bheith agat chun tús a chur leis an imirt.
Chun tuilleadh a fhoghlaim faoi Péanque nó a bheith páirteach i gCumann Pétanque Pháirc Ghleann an Ghrífín, seol ríomhphost chuig owen.kelleher@gmail.com.
Fiosraigh an Pétanque i gContae Átha Cliath Theas
Is bealach iontach é Pétanque le bheith gníomhach, spraoi a bheith agat, agus taitneamh a bhaint as páirceanna áille Chontae Átha Cliath Theas. Bíodh tú ag imirt go réchúiseach i bPáirc Thigh Motháin Thuaidh nó mar chuid den phobal ag Páirc Ghleann an Ghrífín, is cinnte go mbeidh dúil mhór agat sa chluiche seo gan mhoill.
Tar agus bain triail as Pétanque – níl uait ach a bheith toilteanach imirt agus spraoi a bheith agat!